Pep Guardiola dhe të paktën tetë lojtarë të Manchester Cityt mund të futen në izolim prej 14 ditësh kur të kthehen në Angli për t’iu bashkua pjesës tjetër të skuadrës për stërvitje.

Klubet në Angli kanë filluar të stërviten për pjesën e mbetur të sezonit, edhe pse ende nuk ka asgjë të sigurt nëse ky sezon do të vazhdojë.

Sipas The Times, Guardiola së bashku me disa lojtarë të skuadrës së tij, do të duhet të izolohen kur të rikthehen në Angli, përcjell lajmi.net.

Guardiola është ende në Spanjë pasi udhëtoi me rastin e vdekjes së nënës së tij, ndërsa lojtarët tjerë që ndodhen jashtë Anglisë janë Gabriel Jesus, Ederon, Fernandinho, Rodri, Bernardo Silva dhe David Silva.

Në situatë të njëjtë janë edhe tre trajnerë të Premierligës, përfshirë edhe Nuno Espirito Santos i Wolves, që ndodhet në Portugali.